En Lousame, o Concello organizou unha mesa redonda na que once voluntarias europeas reflexionaron sobre a situación da muller en distintos países. Durante o encontro, reclamaron unha maior celeridade da Xustiza á hora de actuar ante casos de violencia de xénero e outras vulneracións de dereitos.
O acto celebrouse no salón de plenos, onde as participantes ocuparon simbolicamente os asentos da corporación municipal. O alcalde, Esteban Ares, destacou que esta imaxe representaba o que podería ser unha corporación formada integramente por mulleres.
