O presidente da Xunta, Alfonso Rueda, visitou esta mañá as novas instalacións do Centro Integral de Saúde Olimpia Valencia de Vigo, que entrarán en funcionamento o luns de forma paulatina. O titular do Goberno galego subliñou que se trata dun centro que pon á cidade olívica na vangarda sanitaria ao converterse no dispositivo coa carteira de servizos máis ampla de todo o Servizo Galego de Saúde.

