O Conservatorio Profesional de Música de Noia presenta por primeira vez unha iniciativa innovadora: as xornadas de intercambio co Conservatorio de Lalín, que se celebrarán este sábado 7 de marzo no Coliseo Noela e o día 14 no Auditorio de Lalín.
Non se trata só de música: a actividade combina ensaios colectivos, visitas guiadas, comidas e convivencia entre os rapaces de ambos centros, ofrecendo unha experiencia enriquecedora tanto a nivel pedagóxico como social.
