Este sábado a conselleira do Mar, Marta Villaverde, visitou a lonxa de Testal acompañada da directora xeral de Desenvolvemento Pesqueiro, Ángeles V. Suárez, e do patrón maior de Noia, Santiago Cruz. A titular do departamento de Mar apuntou que confrarías, agrupacións, organizacións de produtores, cooperativas, mariscadoras e redeiras poden solicitaras axudas da nova orde habilitada pola Xunta para a modernización de equipamentos e infraestruturas dos portos pesqueiros de Galicia.
