A tan esperada visita dos Reis Magos á Pobra do Caramiñal será o luns 5 de xaneiro, tal e como anunciou hoxe a concelleira de Servizos Municipais, Estefanía Ramos. A xornada estará chea de actividades para toda a familia, desde a mañá ata a tarde, e promete ser unha das máis máxicas do ano para os veciños e veciñas da vila.
A programación comezará á mañá cedo, cando os Reis Magos inicien o seu percorrido polas parroquias do municipio. A saída será ás 10.30h desde a aldea da Tomada, e a xira visitará distintos puntos do termo municipal. Aquel que non poida estar presente poderá seguir o percorrido en directo a través da canle de Facebook do Concello da Pobra de Caramiñal.
Ás 12.30h, as súas Maxestades farán unha parada na Residencia de Maiores da Pobra, onde agardan moitos sorrisos e emocións.

