Esta mañá comezou de forma oficial a construción da nova planta de Stolt Sea Farm en Rianxo. Hoxe colocouse de forma simbólica a primeira pedra, aínda que a maquinaria estaba xa repartida polo extenso terreo no que se levantará a sede da firma no polígono do Té. Alí centralizarán o corte e envasado do peixe que se críe nas granxas que esta empresa líder en acuicultura ten por toda Europa.



