O Noia Portus Apostoli segue a confeccionar o seu plantel para a vindeira campaña na Primeira Futgal e vén de desvelar un novo nome que formará parte da aventura na elite do futsal nacional. A terceira incorporación do equipo branco é Carlos Eduardo Soares, coñecido deportivamente como “Churrasco”. O brasileiro chega procedente do MFC Aktobe kazajo e defenderá os intereses do Noia ata o 30 de xuño do 2026, con posibilidade de ampliar un ano máis a súa estancia na vila.
