Esta mañá o pazo do Hórreo acolleu unha nova sesión do pleno do Parlamento de Galicia. Hoxe foi a quenda das preguntas ao presidente da Xunta nas que os partidos da oposición afondaron en diferentes temáticas. O primeiro en intervir foi o voceiro do grupo socialista, José Ramón Gómez Besteiro. O representante do PSdeG fixo mención ás iniciativas propostas pola Xunta no último ano, entre as que mencionou Altri.
