Esta mañá presentouse máis en detalle a nova Estratexia Galega de Enfermidades Raras 2025-2030 que foi aprobada onte no Consello da Xunta. O conselleiro de Sanidade, Antonio Gómez Caamaño, subliñou que o seu principal obxectivo é reducir os tempos de espera das probas diagnósticas nun 30%. O titular do departamento sanitario reafirmou o compromiso do Goberno galego cos pacientes afectados por algunha destas doenzas e coas súas familias.

