O incendio forestal en Tállara, Lousame, está oficialmente estabilizado segundo informou a Consellería de Medio Ambiente. O lume comezou pouco despois das cinco e media da mañá nunha zona de monte da parroquia lousamiá.
Rapidamente chegaron os efectivos de extinción, cos Axentes Ambientais e os Bombeiros Forestais á cabeza, para comezar unha intervención que aínda non se deu por rematada. As lapas quedaron estabilizadas contra as tres menos vinte do mediodía.
Horas antes do anuncio oficial de estabilización, os Axentes Ambientais aseguraban que o incendio afectara a preto de 30 hectáreas, e que malia non estar estabilizado, agardaban facelo en breve.
