Sobre as 18.30 horas de onte o 112 recibiu unha alerta por un choque dunha embarcación cunha batea na que había varios feridos, o que obrigou a mobilizar rapidamente un amplo dispositivo de emerxencias. Efectivos de Salvamento, Gardacostas, Garda Civil e emerxencias de Boiro desprazáronse ata o lugar dos feitos, unha zona da costa boirense próxima ao Chazo, en Cabo de Cruz, por terra, mar e aire.
