Esta mañá celebrouse un novo Consello da Xunta onde o Goberno autonómico avanzou en diversas cuestións. O conselleiro de Presidencia, Diego Calvo, deu conta cos acordos aos que se chegaron nesta sesión. Un dos máis destacados é a aprobación do novo Plan de Cobertura da Atención Primaria no verán do 2025, iniciativa na que se investirán 12,1 millóns de euros para reforzar e garantir a calidade asistencial neste período estival.
