Chega a nova edición da Copa Deputación de Fútbol. O ente provincial destina 24mil euros en premios nun torneo asentado no calendario deportivo e que reunirá aos campións das copas oficiais organizadas pola Futgal nas catro grandes zonas da provincia.
Ccontará con participación masculina e feminina, e cuxos encontros se celebrarán en formato de sede única ao longo de dúas xornadas: unha para semifinais e outra para as finais. O sorteo para o calendario definitivo da competición terá lugar o vindeiro martes, 17 de xuño, na sede da Deputación.
A distribución dos premios será a seguinte: 5.000 euros para os equipos campións masculino e feminino, 4.000 para os subcampións e 1.500 euros para cada un dos equipos que queden eliminados nas semifinais, tanto na categoría masculina como feminina.Con esta convocatoria, a Deputación da Coruña apoia ao deporte base e afeccionado, favorecendo a práctica deportiva en igualdade e a participación de clubs de todos os recunchos da provincia.