Esta mañá desenvolveuse en Ponteceso o acto de entrega de bandeiras azuis en Galicia. Estivo presidido polo titular do Goberno autonómico, Alfonso Rueda, quen salientou o liderado da comunidade galega nos distintivos de calidade ambiental ao recibir 137 emblemas. Rueda puxo en valor este recoñecemento xa que para contar con estes emblemas, os lugares premiados antes tiveron que pasar un duro exame.

