Galicia suma solidariedade. A sociedade galega implicouse no 2024 na doazón de sangue, aumentando un 2 por cento os rexistros con respecto ao ano anterior.
Tal e como detallou o conselleiro de Sanidade, o incremento producido nas doazóns de sangue permite elevar un punto máis a taxa global galega, pasando de 38 a 39 doazóns por cada 1.000 habitantes e ano, situando á nosa comunidade entre as que contan cun nivel máis alto de participación en todo o Estado, manténdose ao redor dos tres puntos por riba da media nacional.