As expectativas están para rompelas e iso é o que está a pasar en Noia coa súa campaña marisqueira. O patrón maior da entidade, Santiago Cruz, non as tiña todas consigo antes do comezo da extracción pero co paso do tempo veuse que había máis recurso do agardado grazas ao que se puido alongar a campaña máis alá de xaneiro. Os profesionais seguen a traballar e o produto que máis se está a vender na lonxa de Testal é o berberecho de cuarta.
