A Terceira RFEF vivirá unha xornada que pode ser fundamental para os equipos da comarca. Na parte alta, o Noia recibirá a un dos mellores equipos da categoría, o Estradense. Os de Iván Carril chegan cunha xeira de catro partidos invictos e coa necesidade de tres puntos fundamentais para non perder forza na loita pola fase de ascenso.
Os seus rivais do domingo son agora uns dos favoritos a desputar o play off. Cuartos clasificados con 44 puntos distan moito da cabeza pero seguen aspirando a escalar posicións. O Noia figura sétimo con 37 puntos, a tres do Arosa, equipo que polo momento marca o corte para os tan ansiados postos de fase de ascenso.
