As medidas lexislativas e fiscais da Xunta para promover a construción e rehabilitación de vivenda levan activas dende o 1 de xaneiro. O conselleiro de Facenda e a titular de Vivenda deron conta así destes avances para incentivar a posta no mercado de novos inmobles.
Dende a Consellería de Vivenda aseguran que o acceso a un fogar digno é unha das principais preocupacións, polo que o sinalan como o principal obxectivo da Xunta de Galicia. María Martínez Allegue afirma contar con gran colaboración por parte dos concellos da comunidade, e agardar o mesmo do Goberno central.
