A Casa do Mar de Cabo de Cruz volve a ser do Concello de Boiro. Esta mañá o delegado do Goberno en Galicia, Pedro Blanco, e o alcalde boirense, José Ramón Romero, fixeron efectivo a cesión deste inmoble coa entrega das chaves por parte de Blanco a Romero. Un xesto simbólico co que o Goberno extingue o acordo de cesión por 30 anos á Seguridade Social e devolve o inmoble ao Concello de Boiro para a súa rehabilitación e posta en servizo para a veciñanza. Un edificio que centraliza o ocio en Cabo de Cruz xa que é o lugar no que se xuntan os maiores do pobo.
