Esta mañá o Pazo do Hórreo acolleu unha nova sesión do Parlamento de Galicia. Na xornada de hoxe foi a quenda das preguntas ao presidente da Xunta, Alfonso Rueda. O portavoz do PSdeG-PSOE, José Ramón Gómez Besteiro, afondou sobre a comisión de investigación que se está a desenvolver sobre o Hospital Álvaro Cunqueiro e o seu sobrecusto. O socialista fixo referencia á falta de respostas que están a ter por parte do Goberno autonómico.
