O Centro Cultural Lustres Rivas acolle dende o 4 de decembro ata o 18 do mesmo mes a exposición do certame Isaac Díaz Pardo das Artes. Trátase dun dos concursos máis consolidados a nivel galego e desta vez chega a Ribeira con 17 obras de todo tipo.
Videocreación, instalacións audiovisuas, fotografía, escultura ou gravado son algunhas das expresións artísticas que estas dúas semanas estarán expostas no centro cultural.
Entre ellas, erre melón, do fonsagradino Berio Molina Quiroga, que resultou gañadora desta edición por unanimidade do xurado.