O titular do Goberno galego, Alfonso Rueda, participou esta mañá no Foro Ancares que se desenvolveu en Ponferrada. No mesmo mantivo un debate co seu homólogo en Castela e León, Alfonso Fernández Mañueco, sobre diversas cuestións como o financiamento autonómico. Neste senso, o presidente da Xunta reivindicou que o novo modelo de financiamento autonómico teña en conta cuestións como a dispersión ou envellecemento, que afectan especialmente a territorios como Galicia e Castela e León, e que se impulsen de forma decidida as conexións do noroeste.

