Galicia ofrecerá por vez primeira axudas directas para que os mozos poidan emanciparse, cuns cartos para que poidan afrontar os gastos que supón empezar a vivir de modo independente. Así o anunciou o presidente da Xunta na sesión do control ao goberno no pleno do Parlamento, na que engadiu que dos inmobles que constrúa a Xunta no 2025, o 40 por cento destinaranse aos mozos no caso de alugar, e o 25 por cento no caso de que se poñan á venda.
Estas axudas iso si, non irán destinadas a un apoio económico para o pago do alugueiro, senón para gastos fundamentais de comezar a vivir de maneira independente.
Rueda falou destas medidas en respota a unha pregunta do secretario xeral do PSdeG, que lle advertiu da encrucillada na que se atopan moitos mozos galegos.