Co gallo do Día Mundial da Saúde Mental o vindeiro 10 de outubro, a asociación A Creba, xunto co Concello de Ribeira, organiza unha xornada chea de actividades para concienciar á poboación.
Aínda que estas actividades xa comezaron hoxe cunha charla sobre deporte e saúde mental no IES N.º 1 de Ribeira, o prato forte será o xoves 10. haberá dous eventos simúltaneos ás doce da mañá. Un será o acto conmemorativo na alameda de Noia con lectura do manifesto e música de Noia, o outro unha mesa redonda sobre saúde mental no Auditorio Vello de Ribeira, onde participarán expertos na materia.
A programación inclúe tamén un certame de fotografía no que se poderá participar ata o 30 de novembro e outro de relatos breves.
Todas estas actividades, como a charla do día 10, que contará con profesionais da saúde mental, forma parte tamén do compromiso do concello de Ribeira pola concienciación aos seus ahabitantes neste tema.