Onte era un día marcado en vermello para o Goberno de Noia xa que no pleno que se ía desenvolver votaríase a aprobación definitiva da súa proposta de orzamento para este 2024. Documento que se aprobou de forma inicial en agosto con críticas e advertencias da oposición sobre presuntas irregularidades. Todo parecía indicar que tras a votación o proxecto sairía adiante, pero contra todo prognóstico o voto en contra de Luis Alamancos, ata o de agora concelleiro de Persoal de Noia, desfixo a proposta económica do Goberno encabezado por Santiago Freire.

