O sábado cumpríronse 80 anos da liberación de París dos ocupantes alemáns en plena II Guerra Mundial. Un feito no que colaborou a 2ª División Blindada do xeneral Leclerc onde destacou a compañía “La Nueve”, formada case de forma exclusiva por españois. Para conmemorar este aniversario a Concellería de Memoria Histórica da Pobra homenaxeou a estes soldados e aos exiliados republicanos nun acto que se desenvolveu a cabalo entre a praza Alcalde Segundo Durán e os Xardíns Valle-Inclán.

