As paredes da Casa da Cultura Raquel Fernández Soler locen novas obras. Nesta ocasión trátase de fotografías, unha escolma de preto de 60 instantáneas agrupadas baixo o título “Barlovento” e que levan a firma da fotógrafa Saínza Pardal. Nesta exposición a autora das imaxes retrata todas as fases do proceso de cultivo do mexillón, amosando o duro traballo que hai detrás desta actividade.

