Esta mañá o titular do Goberno galego, Alfonso Rueda, visitou o Centro Tecnolóxico da Automoción de Galicia, situado no Porriño, acompañado da conselleira de Economía e Industria, María Jesús Lorenzana. Nese escenario o presidente da Xunta destacou o apoio dado á automoción galega cunha liña que ascende a 18 millóns de euros para axudar ás empresas auxiliares no proceso de transformación que atravesa o sector.

