Ribeira converteuse esta fin de semana na capital do fútbol base coa celebración dunha nova edición do Torneo Internacional Congalsa Concello de Ribeira. Máis de 1.300 nenos chegados de diferentes puntos da Península Ibérica e Francia acudiron á Fieiteira nunha cita cun gran protagonismo solidario. Xa que a verdadeira gañadora desta cita é a Fundación Aladina, para a que se recadaron fondos para loitar contra o cancro infantil.
