O sábado catro de abril a partir das 11 a mañá a rúa Pablo Iglesias de Boiro estará repleta de postos dos comercios locais, de música, de talleres e de moito ambiente festivo, nesta ocasión cun ambiente dos anos 80. Desde a asociación Creaturas, unha das grandes impulsoras do evento, amosáronse hoxe na presentación moi satisfeitos, xa que aseguran que se trata dunha iniciativa que implica a moita xente arredor da cultura mentres que axuda a dinamizar a economía local.
