O Consorcio Provincial Contraincendios da Coruña aproba a adquisición de tres novos vehículos para os parques de Arteixo, Carballo e Boiro

A sede da Deputación da Coruña acolleu esta mañá un pleno extraordinario do Consorcio Provincial Contraincendios e Salvamento da Coruña, no que se aprobou o orzamento do ente para o vindeiro exercicio 2017, que ascenderá a 8.695,274, 54 euros, e un expediente modificativo de créditos por importe de 1.817.272,60 millóns co que se financiará a adquisición de novos vehículos para os parques comarcais de Carballo, Arteixo e Boiro, a reforma dos vestiarios de Carballo e Ribeira e a achega económica destinada á comarcalización do parque de bombeiros de Ferrol no ano 2017.