O Plan de Acción Social (PAS) da Deputación da Coruña deixa 4,4 millóns de euros na zona do Barbanza, Muros e Noia para un total de 50 proxectos financeiramente sostibles, cunha vida útil superior a cinco anos e cun carácter social relevante.
A totalidade dos concellos da zona beneficiarase desta nova aposta do goberno provincial presidido por Valentín González Formoso, aprobada fai agora un ano e que xa conta con proxectos concretos.
O PAS esta dotado con 33 millóns de euros, destinados a paliar as caídas dos ingresos dos concellos en partidas esenciais, mellorando así as condicións de vida da poboación. De este modo, a Deputación quere recuperar a súa función orixinaria de apoio aos municipios de menos de 20.000 habitantes, apostando pola xeración de emprego e a recuperación económica da provincia.
