A líder de Sumar e vicepresidenta segunda do Goberno de España, Yolanda Díaz, visitou esta tarde a praia da Illa para coñecer de primeira man a realidade dos areais afectados polo vertido dos pellets. Acompañada da candidata de Sumar Galicia á Xunta, Marta Lois, Díaz destacou e agradeceu o labor dos voluntarios, os primeiros en actuar e achegarse ás praias para limpalas destas bolas de plástico.

