O PP de Ribeira solicita un cuarto Xulgado para esta cidade

O Grupo Popular de Ribeira, presenta unha Proposición para o seu debate no próximo pleno reclamando a necesidade dun cuarto Xulgado de Instancia e Instrución para Ribeira. A voceira do PP de Ribeira Herminia Pouso apuntou que dada carga de traballo que teñen os tres Xulgados de Instancia e Instrución ubicados nesta cidade, onde no primeiro trimestre deste ano se tramitaron 2.419 asuntos, unha cifra que supera con moito os indicadores recomendados polo Consello Xeral do Poder Xudicial , consideran necesario que Ribeira se dote dun cuarto xulgado, unha reivindicación reiterada tanto polos letrados que desempeñan o seu oficio, representados pola delegación do Ilustre Colexio Provincial de Avogados da Coruña, como polos propios traballadores da administración xudicial.