Melloras nas estradas de Rianxo

A Consellería do Mar está a mellorar a seguridade vial do porto coruñés de Rianxo. Cun investimento de máis de 45.000 euros estanse a realizar unhas obras que comezaron a finais da pasada semana e teñen un prazo de execución previsto dun mes.
En concreto, as actuacións en execución consisten no reforzo do pavimento de dous viais portuarios moi transitados e na mellora e nova pavimentación da explanada portuaria. No caso dos viais, o novo firme será de aglomerado e permitirá subsanar as deficiencias que presentaban ambas estradas ata o momento.
Polo que respecta á explanada, nivelouse o firme e pavimentouse con zahorra compactada co fin de evitar a creación de bolsas de auga que se producen en períodos de choiva na rampla de varada e nas instalacións do club náutico.
Esta non é a única actuación de mellora que se está a realizar nas estradas de Rianxo, así son varias as obras de mellora do firme con cargo á Deputación.