A vicepresidenta e responsableda área de Cultura da Deputación, Goretti Sanmartín estudou xunto co alcalde Santiago Freire e o concelleiro de Cultura, José Pérez, novas propostas de colaboración e apoio á programación cultural de Noia, de maneira especial, ao Festival de Arpa e a Mostra de Curtas que bota a andar neste outono na súa XVII edición.
Na xuntanza, que se desenvolveu na sede da Deputación da Coruña, o alcalde e o concelleiro de Cultura de Noia, Santiago Freire e José Pérez presentaron diversos proxectos da área de Cultura para estudar posíbeis vías de colaboración para a promoción cultural do Concello. En especial, na xuntanza analizáronse de maneira especial os apoios por parte da deputación da Coruña ao festival de Arpa e tamén, en especial de cara á dimensión que tome no futuro, da Mostra de Curtas da que se desenvolve a súa XVII edición do 21 ao 30 de outubro.
Por parte da Deputación, a responsábel da área, Goretti Sanmartín, presentou as novas liñas que desde Cultura da Deputación se iniciaron co fin de organizar a distrbución das axudas públicas a través de liñas en concorrencia competitiva. Desta maneira, vén de facerse pública a resolución da primeira convocatoria de axudas para festivais de ámbito audiovisual, musical ou de artes escénicas en que o Concello de Noia recibirá 9.239 € para o desenvolvemento do Festival Internacional de Arpa. A liña, segundo destacou Goretti Sanmartín, é a de máis contía das axudas públicas convocadas polas distintas institucións para apoiar os festivais culturais e suporá un importante pulo na provincia para estes eventos esenciais para a promoción cultural e tamén para a dinamización turística.
Goretti Sanmartín destacou a potencialidade da área de Cultura no concello de Noia e, na conversa, estudáronse diversas vías para que a Mostra de Curtas, que chega agora a súa XVII edición desenvolva con máis intensidade outros ámbitos como o formativo co fin de crear, ao seu redor, un amplo proxecto de creación e difusión audiovisual.
https://www.youtube.com/watch?v=j5YPpEAazkc
