No último ano a comarca encheuse de novas obras, impulsadas en moitos casos polos propios concellos. As estruturas arquitectónicas están cada vez máis coidadas e en moitas ocasións en simbiose co medio. Atendendo a varios parámetros, dúas actuacións realizadas en Outes e Porto do Son foron finalistas na Bienal Española de Arquitectura e Urbanismo, na súa XVI Edición. Concretamente a rehabilitación do estaleiro tradicional Ciprián e o acondicionamento do bordo portuario de Porto do Son. Dous traballos que acaban de ser premiados neste certame.