CON MÁIS DE 1.000 USUARIOS, A ASOCIACIÓN TRABALLA NA AMPLIACIÓN DA SÚA RESIDENCIA E NA MELLORA DOS SERVIZOS QUE PRESTAN
Esta mañá a sede da Asociación Amicos, situada en Comoxo, Boiro, contou coa visita da directora xeral da Axencia Galega de Desenvolvemento Rural, Inés Santé. A representante de Agader estivo acompañada por varios usuarios de Amicos, que lle ensinaron todas as instalacións, e tamén do director da entidade, Xoán España. Quen agradeceu a colaboración de Agader nos primeiros pasos de Amicos.