No día de onte unha nena de 6 anos foi ferida de gravidade nun atropelo que tivo lugar en Aguiño, na rúa Francisco Lorenzo Mariño. A rapaza estaba cruzando a estrada cando foi arrollada por un vehículo por causas que están a ser investigadas. Ata o lugar dos feitos desprazáronse os servizos de emerxencias alertados polo 112, que sinalaron que a nena presentaba un forte golpe no abdome.
