O Agustín Mourís volveu a vivir este sábado a emoción do futsal. A pista noiesa encheuse de novo nesta pretemporada para animar e ver o progreso dun Noia Portus Apostoli con caras novas. Os pupilos de Tomás de Dios saíron ao parqué ante o Braga coas ideas claras e coas gañas de desquitarse da anterior derrota. Sen embargo os portugueses impuxéronse aos brancos por 1-2 nun encontro no que os noieses amosaron o seu crecemento como equipo e deixaron boas sensacións.