O pasado 5 de agosto o campo de Vista Alegre acolleu o Torneo Solidario Interparroquial no que participaron 8 equipos mixtos, un por cada parroquia, e patrocinado cada un por un local hostaleiro. O obxectivo era recadar fondos para a Asociación de Axuda a Nenos Oncolóxicos de Galicia, Asanog, e os boirenses responderon. Nesta cita solidaria recadáronse 11.337,86 euros que hoxe foron entregados ao colectivo.
