BOIRO RECORDOU A RICARDO VILA QUINTÁNS, VECIÑO DE TREITES, ASASINADO TRAS O GOLPE MILITAR NO 1936 NO DÍA DA GALIZA MÁRTIR

O día de onte contou con numerosos actos de recordo polo día da Galiza Mártir. O Barbanza encheuse de homenaxes a diferentes figuras represaliadas no golpe de estado do 1936, como a de Alexandre Bóveda, Manuel Hermo, alcalde substituto da Pobra na sublevación militar, e Ricardo Vila Quintáns, veciño de Treites asasinado no 36. Boiro desenvolveu un ano máis a súa homenaxe, nesta ocasión a Ricardo Vila, na rotonda de Cimadevila. Un acto no que estiveron presentes os seus netos e cuxa vida foi recordada por Xosé Deira.