A arpa xa ocupa o seu lugar na vila noiesa. O Noia Harp Fest arrancou onte co talento dos alumnos e alumnas das escolas de Galicia, que abriron esta décima edición con temas tradicionais, o arranxo do Bohemian Rhapsody de Queen e cunha homenaxe ao ‘Vals do Mencer de Emilio Cao’. A programación estenderase ata este domingo.
NOIA, ENTRE AS CORDAS. A DÉCIMA EDICIÓN DO NOIA HARP FEST MOSTRA A CALIDADE DE ARTISTAS DE TODAS PARTES DO MUNDO CUNHA PROGRAMACIÓN REPLETA DE CONCERTOS E TRES ESTREAS MUNDIAIS
