O departamento de servizos sociais da Pobra do Caramiñal lembra aos usuarios que reúnen os requisitos esixidos que poden solicitar a tarxeta acreditativa do grao de discapacidade, para o que poden consultar as bases no DOG nº 147 do 4 de agosto de 2016, ou dirixirse ás dependencias de servizos sociais na rúa Castelao.
Poden solicitala aquelas persoas que teñan recoñecido un grao de discapacidade igual ou superior ao 33 %. Trátase dun documento persoal e intransferible que acredita o grao de discapacidade recoñecido ao seu titular, a todos os efectos, de cara a facilitar o acceso a determinados servizos, tendo como principal obxectivo mellorar a súa calidade de vida. A tarxeta poderá ser utilizada pola persoa gardadora de feito. A súa presentación deberá ir acompañada polo DNI ou pasaporte.
O prazo para a solicitude está aberto todo o ano.
https://www.youtube.com/watch?v=i2cCs70urxA
