O Auditorio Municipal de Ribeira acolleu esta mañá a clausura dos obradoiros do Verán Cultural de Ribeira. Os cativos e mais os seus monitores fixeron un repaso a tódalas actividades que desenvolveron ao longo deste período. A actuación do pallaso Rudi Dudi Rastafarudi, a excursión ás instalacións do Consistorio ribeirense ou a visita á campaña «Ponlle as pilas ao teu bocata» son só unha pequena mostra de todo o que fixeron os nenos e nenas. Durante a duración do acto bailaron, riron e desfrutaron, agardando con ansias a que chegue o próximo verán.
