Esta fin de semana celebrouse a 6ª Proba do Circuíto Nacional 2016, a cal organizou o Real Club de Regatas Galicia co patrocinio de Frinsa. Juan Cajade e Alexandre Tinoco, do Real Club Náutico de A Coruña, gañaron en Vilagarcía a XLVIII edición do Trofeo San Roque da Clase Snipe. Así mesmo, Fran Palacio e Jaime Álvarez lograron o Gran Premio Ramiro Carregal.
A xornada do domingo contou con condicións de vento totalmente opostas ás do sábado, disputándose as tres mangas programadas coas que se completaba o programa de ambas probas. Os tripulantes de FISIOCENTER, Francisco Palacio e Jaime Álvarez, impuxéronse por diante de Juan Cajade e Alexandre Tinoco na primeira regata. A segunda foi moito máis disputada e co triunfo para Marcos Míguez e José R. Pardo a timón do MOINO 1,5. A terceira manga, con menos intensidade de vento, foi clave para que os coruñeses Cajade e Tinoco, tripulantes do equipo MAJOR TOM, tomasen vantaxe ao grupo perseguidor asegurándose a vitoria na proba, por diante do barco portugués de Mafalda Pires e Carmen Mateo.
Na segunda posición xeral acabaron Francisco Palacio e Jaime Álvarez, gañadores do IV Gran Premio Ramiro Carregal, seguidos de Marcos Míguez e José R. Pardo, por diante de Martín Bermúdez e Ángela Pumariega.
https://www.youtube.com/watch?v=Xi-vaukyiNA
