Arredor das 14:39 h. desta tarde rexistrábase un aparatoso accidente na autovía da Barbanza, por causas que se descoñecen un vehículo, un ford focus, que viaxaba en sentido Ribeira- Padrón saíuse da vía chocando contra o quitamedos da marxe dereita da calzada para logo volcar no carril da esquerda, quedando atravesado no medio da vía. A conductora e única ocupante do vehículo saiu polo seu propio pe, e malia a aparatosidade do accidente resultou ferida leve. Foi trasladada a un centro sanitario con dores na espalda e ombreiros. Ata o lugar do sinistro desprazouse a Garda Civil que tivo que dirixir o tráfico, foi preciso cortar un carril da autovía, que quedou ocupado polo turismo sinistrado. Tamén se desprazaron ata o lugar duas dotacións dos bombeiros de Boiro, e unha ambulancia do 061.
