O PP DE RIBEIRA PRESENTOU O SEU PROGRAMA PARA OS VINDEIROS 4 ANOS QUE RUIZ DEFINIU COMO “MOMENTO DE RESPONSABILIDADE”

Logo de presentar de forma oficial a lista do grupo popular de Ribeira para as vindeiras eleccións municipais, o seu candidato á alcaldía, Manuel Ruiz, vén de presentar o programa electoral. Segundo precisou, é un período importante para Ribeira pola gran cantidade de proxectos en marcha. Polo que a primeira parte das súas accións será sacar adiante os máis de 50 millóns de euros aprobados, presupostados e conseguidos na súa meirande parte de fondos doutras administracións.