A OPOSICIÓN DE BOIRO TUMBA A PROPOSTA DE ORZAMENTO DO GOBERNO LOCAL NUNHA SESIÓN NA QUE SE APOIOU AO SECTOR BATEEIRO NO CONFLITO DA MEXILLA

A pasada noite o salón de plenos de Boiro acolleu a última sesión plenaria ordinaria antes das eleccións na que se trataron 12 puntos e onde quedou patente que se está en precampaña. O pleno comezou aprobando por unanimidade varios puntos, como a declaración institucional para o mantemento do xulgado de violencia de xénero do partido xudicial de Ribeira. O seguinte punto a tratar foi a moción socialista sobre o conflito da mexilla e apoio ao sector bateeiro que tamén contou co respaldo de toda a corporación.