O Alonso Rodríguez acolleu unha nova xornada de baloncesto onde os xogadores do Berberecho de Noia amosaron unha sólida versión para sumar unha gran vitoria. Os noieses están a disputar a fase de permanencia na primeira División Masculina, na que suman xa dúas vitorias e dúas derrotas, o que lles permite seguir na loita por eludir o descenso. Este derradeiro triunfo na casa chegou ante o Nexo Novobasket de Vigo, cadro ao que os amarelos se impuxeron por 66-56.